കൊഴുപ്പോ പഞ്ചസാരയോ: ടൈപ്പ് 2 പ്രമേഹത്തിന് കാരണം എന്ത്?

ശരീരത്തിലെ അമിതമായ പഞ്ചസാരയോ കൊഴുപ്പോ മൂലമാണ് ടൈപ്പ് 2 പ്രമേഹം വരുന്നതെന്നാണ് പലരും കരുതുന്നത്. എന്നാൽ, ഇത് ശരിയാണോ? പ്രമേഹം, പ്രത്യേകിച്ച് ടൈപ്പ് 2 പ്രമേഹം, കൊഴുപ്പോ പഞ്ചസാരയോ മൂലം ഉണ്ടാകുന്നതല്ലെന്ന് ഡൽഹിയിലെ സികെ ബിർള ആശുപത്രിയിലെ ഇന്റേണൽ മെഡിസിൻ ഡയറക്ടർ ഡോ. മനീഷ അറോറ പറഞ്ഞു. "ഇൻസുലിൻ റെസിസ്റ്റൻസ് മൂലമുണ്ടാകുന്നൊരു സങ്കീർണ്ണമായ അവസ്ഥയാണ്. ശരീരം ഇന്‍സുലിനെ പ്രതിരോധിക്കുകയോ, ആവശ്യമായ ഇന്‍സുലിന്‍ ഉല്‍പാദിപ്പിക്കാതെയിരിക്കുകയോ ചെയ്യുന്ന അവസ്ഥയാണിത്. ഇത് രക്തത്തിലെ പഞ്ചസാരയുടെ അളവ് വർധിപ്പിക്കുന്നതിലേക്ക് നയിക്കുന്നു," ഡോ. അറോറ പറഞ്ഞു.

മുകളിൽ പറഞ്ഞിരിക്കുന്ന രണ്ട് സാഹചര്യങ്ങളിലും, ശരീരത്തിന് രക്തത്തിലെ പഞ്ചസാരയുടെ അളവ് നിയന്ത്രിക്കാൻ കഴിയാതെ വരുന്നു. അതിനാൽ, പ്രമേഹം വരുന്നത് മധുരപലഹാരങ്ങൾ കഴിച്ചതുകൊണ്ടല്ല, മറിച്ച് ജീവിതശൈലിയെയും ഭക്ഷണക്രമത്തെയും മാറ്റം മൂലമാണെന്ന് മുംബൈ സെൻട്രലിലെ വോക്കാർഡ് ഹോസ്പിറ്റലിലെ കൺസൾട്ടന്റ് എൻഡോക്രൈനോളജിസ്റ്റ് ഡോ. പ്രണവ് ഘോഡി പറഞ്ഞു.

Also Read: മഞ്ഞൾ വെള്ളം കുടിച്ച് ദിവസം തുടങ്ങിയാൽ ശരീരത്തിന് എന്ത് സംഭവിക്കും?

എന്നിരുന്നാലും, ശരീരത്തിലെ അധിക കൊഴുപ്പ്, പ്രത്യേകിച്ച് വയറിനു ചുറ്റുമുള്ളത്, ഇൻസുലിൻ പ്രതിരോധത്തിനും ടൈപ്പ് 2 പ്രമേഹത്തിനുമുള്ള പ്രധാന അപകട ഘടകമാണ്. "നിങ്ങളുടെ ബോഡി മാസ് ഇൻഡക്സ് (BMI) കൂടുന്തോറും പ്രമേഹം വരാനുള്ള സാധ്യതയും കൂടുതലാണ്. അതിനാൽ, കൊഴുപ്പ് നേരിട്ട് പ്രമേഹത്തിന് കാരണമാകില്ലെങ്കിലും, ശരീരത്തിൽ അമിതമായി കൊഴുപ്പ് അടിഞ്ഞുകൂടുന്നത് അപകടസാധ്യത വർധിപ്പിക്കുന്നു," ഡോ. അറോറ പറഞ്ഞു.

Also Read: പ്രമേഹമുള്ളവർക്ക് രാവിലെ ഇഡ്ഡലിയോ ദോശയോ കഴിക്കാമോ?

ശരീര ഭാരം മാത്രമല്ല പ്രധാന കാരണമെന്ന് ഡോ. ഘോഡി അഭിപ്രായപ്പെട്ടു. "മെലിഞ്ഞ വ്യക്തികളിലും ശരീരത്തിൽ കൊഴുപ്പ് അടിഞ്ഞുകൂടുന്നത് പ്രമേഹത്തിനുള്ള സാധ്യത ഉണ്ടാക്കാം," ഡോ. ഘോഡി പറഞ്ഞു. പഞ്ചസാര നേരിട്ട് പ്രമേഹത്തിന് കാരണമാകില്ല, പക്ഷേ പഞ്ചസാര അടങ്ങിയ ഭക്ഷണപാനീയങ്ങൾ അമിതമായി കഴിക്കുന്നത് ശരീരഭാരം വർധിപ്പിക്കുന്നതിന് കാരണമാകും. പഞ്ചസാര ചേർത്ത മധുരമുള്ള പാനീയങ്ങൾ ടൈപ്പ് 2 പ്രമേഹ സാധ്യത വർധിപ്പിക്കുമെന്ന് ഗവേഷണങ്ങൾ തെളിയിച്ചിട്ടുണ്ടെന്ന് ഡോ. അറോറ അഭിപ്രായപ്പെട്ടു.

അതിനാൽ, കൊഴുപ്പോ പഞ്ചസാരയോ മാത്രം പ്രമേഹത്തിന് കാരണമാകുന്നില്ലെങ്കിലും, രണ്ടിന്റെയും അമിത ഉപഭോഗം ശരീരഭാരം, പൊണ്ണത്തടി, ഇൻസുലിൻ പ്രതിരോധം എന്നിവയ്ക്ക് കാരണമാകും. ഇവയാണ് ടൈപ്പ് 2 പ്രമേഹത്തിന് പിന്നിലെ യഥാർത്ഥ കുറ്റവാളികൾ. "മധുരമുള്ള ഭക്ഷണം അമിതമായി കഴിക്കുന്നത് ശരീരഭാരം വർധിപ്പിക്കും. കൂടാതെ അനാരോഗ്യകരമായ കൊഴുപ്പ് അമിതമായി കഴിക്കുന്നത് പ്രമേഹ സാധ്യത വർധിപ്പിക്കുന്നു. മോശം ഭക്ഷണക്രമം, വ്യായാമക്കുറവ്, സമ്മർദം, ജനിതകശാസ്ത്രം എന്നിവയെല്ലാം ഒരു വ്യക്തിക്ക് പ്രമേഹത്തിനുള്ള അപകടസാധ്യത വർധിപ്പിക്കുന്ന ഘടകങ്ങളാണ്," ഡോ. ഘോഡി പറഞ്ഞു.

Also Read: വിരലുകൾ അനക്കാൻ ബുദ്ധിമുട്ടുണ്ടോ? പ്രമേഹരോഗികൾ ശ്രദ്ധിക്കുക

ശ്രദ്ധിക്കേണ്ടത് എന്താണ്?

"ഭക്ഷണത്തിന്റെ അളവുകൾ ശ്രദ്ധിക്കുക, സംസ്കരിച്ചതോ വറുത്തതോ ആയ ഭക്ഷണം അധികം കഴിക്കാതിരിക്കുക, പഞ്ചസാര അടങ്ങിയ ലഘുഭക്ഷണങ്ങളും പാനീയങ്ങളും കുറയ്ക്കുക, ശാരീരിക പ്രവർത്തനങ്ങൾ നിലനിർത്തുക. കുടുംബത്തിൽ പ്രമേഹമുള്ളവരുണ്ടെങ്കിൽ, പതിവായി പരിശോധന വരുന്നത് രോഗസാധ്യത കുറയ്ക്കാൻ സഹായിക്കും," ഡോ. ഘോഡി പറഞ്ഞു.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: ചായയോ കാപ്പിയോ? രാവിലെ കുടിക്കാൻ ഏതാണ് നല്ലത്?